時間過得咁快wor~~~
我係度已經1個月啦！足足1個月了！
真的沒有想過，
so far, 一切對我來說，都過得幾順利。
沒有太大的問題，只是到依家我的普通話仍然唔好！
英文亦沒有太大的進步我想
但是我有個很大的感受，
今次是我第一次離開屋企，離開我一班香港的朋友，
連畢業旅行都唔去，就飛左過來啦！
到依家仍覺得對唔住一班大學的老友咖！
因為是你們令我肯再次面對自己，
再次企番起身咖！ 等我返來的時候，一定要瘋狂去玩一次咖！
仲有，當然是家人啦！ 第一次離開屋企，自己一個女仔係外地的生活，
佢哋當然擔心咖！因為我係一個粗心大意的女仔，很依賴屋企的女仔咖！
係我出發個日，佢哋個個都叫我醒目d，唔好比人扼！睇實d錢呀！ 唔好去夜街等等的說話！
我覺得對屋企有愧意，突然同佢哋講，我要去北京2個月，仲要自己租屋，咩都唔包的時候，
佢哋每一個都嬲，叫我唔好去啦！做咩要去受苦呢?
不過我無理會，只是講，你都唔想我一世都呆左香港，咩都唔知嗎? 同埋我都大啦！
我可以應付到咖！ 無問題咖！ 就係咁，佢哋都根本無得反對咖！
我記得去入左閘之後，仲要等成半個鐘先上機，
就玩下MSN，好似好型咁同大家講，
我要飛啦，2個月後見啦！
其實我一路玩msn, 一路係個侯機室到哭，
唔知做咩，眼淚不斷流下來！ 當然佢哋唔會知啦！
我仍然扮型咁講，我走啦！記得掛住我呀！
個刻會哭，我想應該有幾個原因吧！
因為真的離開屋企2個月啦, 另外，聽到太多關於北京的新聞, 自己會擔心啦！
仲有擔心唔知自己可否過得好呢? 係咪可以handle一切的問題呢?
成個月啦，睇番自己，真的大個左啦！
雖然唔可以話handle得好好，但是總算不過不失！
每天早上整早餐比自己吃， 逼地鐵返工， 工作，
和同事去吃飯，再工作，之後放工，同rmmate 商量晚餐吃咩！
很多時候，大家都會見到咩，就吃咩！咩都試一餐，都幾開心咖！
我仲親自下廚tim, 話哂我都係讀catering 嘛！ 無理由唔識咖！
不過，可能真係太淡味啦！ 佢哋都唔鐘意既!!!
但唔緊要，最重要係我可以為自己下廚嘛！
一個由細到大，都係依賴屋企，凡是叫左阿媽先的我，
今日已經可以自己一個人飛左黎北京，為自己煮飯，
為自己去街市買餸，幫朋友搞VISA，自己搭車，問路去大使館，
經歷左一生難忘的一個片段！
仲有同rmmate係咁問路，仲要我既PTH唔係好到人人都明的情況下，去我們想去的景點,
我從來無想過，自己會背住個bag，拿住張地圖，就會去玩咖！
因為從來我都係知道清清楚楚先會去咖！ 但原來一切plan好哂，反而無plan的感受仲大呀！
當真係做到的時候，個種滿足感真係很大咖！我真係覺得自己終於大個左啦！
可能很多人覺得這些其實是很簡單，有咩值得講的時候，
對我來說，是很有意義咖！
真是人生難忘咖！
工作上都係有很大的滿足感，首先，我從來都沒有想過，
我真係可以去in charge 成件事，
而且當我將我的idea講比我boss聽的時候,佢都好buy咖！
仲要話我做得唔錯tim~~~~ 幾開心咖！
希望我真係可以將我的concept變成事實啦！
咁就最好啦！
雖然我無樹會見到佢開張，但是我希望我走之前
有8成以上的野已經預備好啦！ 咁就prefect 啦！
當然如果見到開張的話，我會覺得更加好啦！
所以我會用盡我的能力去完成咖！ haha~~~
Fanny
No comments:
Post a Comment